சென்னை: பி.எம் கிசான் சம்மான் நிதி யோஜனாவின் 20-வது தவணை விரைவில் விடுவிக்கப்பட உள்ளது. இந்தத் திட்டத்தின் பயனாளிகள் பட்டியல் அதிகாரப்பூர்வ இணையதளத்தில் வெளியிடப்பட்டுள்ளது. ஒவ்வொரு பயனாளியும் பி.எம் கிசான் பயனாளிகள் பட்டியலைச் சரிபார்ப்பது கட்டாயமாகும்.
இந்தத் திட்டத்தின் பயனாளிகள் பட்டியல் ஒவ்வொரு தவணை வெளியாவதற்கு முன்பும் அரசாங்கத்தால் அறிவிக்கப்படுகிறது. அந்த வகையில், 20-வது தவணைக்கான பயனாளிகள் பட்டியலும் தற்போது அறிவிக்கப்பட்டுள்ளது. எனவே, சம்பந்தப்பட்ட அதிகாரப்பூர்வ வலைத்தளத்திற்குச் சென்று, அடுத்த தவணை உங்களுக்குக் கிடைக்குமா இல்லையா என்பதைப் பார்க்க இந்தப் பட்டியலைச் சரிபார்க்கலாம்.
Narendra Modi PM Kisan
பி.எம். கிசான் திட்டத்தின் 20-வது தவணை விரைவில் அளிக்கப்பட உள்ளது. இந்த முறையும் கோடிக்கணக்கான விவசாயிகளின் வங்கிக் கணக்குகளில் நேரடியாக ரூ.2000 செலுத்தப்பட உள்ளது. தமிழ்நாட்டில் 48 லட்சம் பேர் இந்த தவணையை பெற உள்ளனர்.
Powered By Logo
பி.எம். கிசான் 20-வது தவணை எப்போது?
பி.எம். கிசான் யோஜனா திட்டத்தின் 19-வது தவணை கடந்த பிப்ரவரி 2025-ல் விவசாயிகளின் கணக்குகளில் செலுத்தப்பட்டது. இந்தத் திட்டத்தின்படி, நான்கு மாதங்களுக்கு ஒருமுறை தவணைத் தொகை செலுத்தப்படும். எனவே, 20-வது தவணை ஜூலை 2025 மூன்றாம் அல்லது நான்காம் வாரத்தில் வர வாய்ப்புள்ளது. அதாவது இந்த வாரம் அல்லது அடுத்த 5 தினங்களுக்குள் பணம் வரும். இதுகுறித்து அரசாங்கத்திடம் இருந்து அதிகாரப்பூர்வ அறிவிப்பு எதுவும் இதுவரை வரவில்லை என்றாலும், இதற்கான நடைமுறைகள் தொடங்கியுள்ளன.
யாருக்கு 20-வது தவணை கிடைக்கும்?
இ-கேஒய்சி முடித்தவர்கள், பயனாளிகள் பட்டியலில் பெயர் உள்ளவர்கள், சரியான வங்கி விவரங்களைக் கொடுத்திருப்பவர்கள் மற்றும் விவசாயப் பதிவேட்டில் பெயர் உள்ளவர்கள் ஆகிய விவசாயிகளின் கணக்குகளுக்கு மட்டுமே அரசாங்கம் ரூ.2000 செலுத்தும். இந்தத் தகவல்களில் ஏதேனும் குறைபாடு இருந்தால், பி.எம். கிசானின் அடுத்த தவணை கிடைக்காமல் போகலாம்.
தமிழகத்தில் சுமார் 48 லட்சம் விவசாயிகள் இந்தத் திட்டத்தின் மூலம் பயனடைய உள்ளனர். திருவண்ணாமலை மாவட்டத்தில் அதிகபட்சமாக 3.24 லட்சம் விவசாயிகள் இந்தத் தவணைத் தொகையினைப் பெறவுள்ளனர்.
பிஎம்-கிசான் திட்டம் 2019-ஆம் ஆண்டு தொடங்கப்பட்டது. இத்திட்டத்தின் கீழ், விவசாயிகளுக்கு ஆண்டுக்கு ரூ.6,000 மூன்று சம தவணைகளாக அவர்களின் வங்கிக் கணக்குகளில் நேரடிப் பயன் பரிமாற்றம் (டிபிடி) மூலம் செலுத்தப்படுகிறது.
இ-கேஒய்சி அவசியம்
இ-கேஒய்சி செய்யாத காரணத்தினால் நிறைய விவசாயிகளுக்கு பி.எம். கிசான் யோஜனாவின் 20-வது தவணை கிடைக்காமல் போகலாம். இ-கேஒய்சி இல்லாமல் பணம் கிடைக்காது என்று அரசாங்கம் திட்டவட்டமாகத் தெரிவித்துள்ளது. ஆன்லைன் போர்ட்டலில் ஓடிபி மூலம் அல்லது அருகிலுள்ள சிஎஸ்சி மையத்திற்குச் சென்று பயோமெட்ரிக் மூலம் இ-கேஒய்சி செய்து கொள்ளலாம்.
பயனாளிகள் பட்டியலில் பெயரைச் சரிபார்ப்பது எப்படி?
ஒவ்வொரு முறையும் பயனாளிகள் பட்டியலில் இருந்து சில விவசாயிகளின் பெயர்கள் நீக்கப்படுகின்றன. எனவே, இந்த முறையும் உங்கள் பெயர் இருக்கிறதா என்று சரிபார்ப்பது அவசியம்.
சரிபார்க்கும் முறை:
பி.எம். கிசானின் அதிகாரப்பூர்வ வலைத்தளமான pmkisan.gov.in க்குச் செல்லவும்.
‘பயனாளிகள் பட்டியல்’ என்பதை கிளிக் செய்யவும்.
மாநிலம், மாவட்டம், வட்டம் மற்றும் கிராமத்தைத் தேர்ந்தெடுக்கவும்.
‘அறிக்கை பெறுக’ என்பதைக் கிளிக் செய்யவும்.
பட்டியலில் உங்கள் பெயரைப் பார்க்கவும்.
பெயர் இல்லையென்றால், இந்தத் தவணை கிடைக்காது.
வங்கி விவரங்களைப் புதுப்பித்து வைத்திருங்கள்
தவறான வங்கி விவரங்கள் காரணமாக அரசாங்கம் பணம் அனுப்பியும் அது கணக்கைச் சென்றடைவதில்லை. தவறான ஐஎஃப்எஸ்சி (IFSC) குறியீடு, கணக்கு மூடப்பட்டது, ஆதார் இணைப்பு இல்லை போன்ற காரணங்களால் பணம் கிடைக்காமல் போகலாம். எனவே, உங்கள் வங்கி விவரங்களைச் சரிபார்த்து, ஏதேனும் தவறு இருந்தால் உடனடியாகச் சரி செய்வது அவசியம்.
விவசாயிகள் பி.எம். கிசானில் பதிவு செய்திருப்பது மட்டும் போதாது, விவசாயப் பதிவேட்டிலும் பெயர் இருப்பது அவசியம். இதற்கு, உங்கள் மாநிலத்தின் அரசு இணையதளத்தில் உள்நுழையவும் அல்லது விவசாயப் பதிவேட்டு செயலியை பதிவிறக்கம் செய்யவும். அல்லது அருகிலுள்ள இ சேவை மையத்திற்குச் சென்று விண்ணப்பத்தை நிரப்பவும். இதுவரை 19 தவணை பணம் விவசாயிகளின் கணக்குகளில் வந்துள்ளது. ஒவ்வொரு ஆண்டும் ஏப்ரல்-ஜூலை, ஆகஸ்ட்-நவம்பர் மற்றும் டிசம்பர்-மார்ச் மாதங்களில் மூன்று தவணைகளாக ரூ.6,000 விவசாயிகளுக்கு அரசாங்கம் வழங்கி வருகிறது. இதன் மூலம், ஒவ்வொரு நான்கு மாதங்களுக்கும் ஒருமுறை ரூ.2000 வங்கி கணக்கில் நேரடியாக வந்து சேரும்.
இ-கேஒய்சி முடித்த, பயனாளிகள் பட்டியலில் பெயர் உள்ள, சரியான வங்கி விவரங்களைக் கொடுத்துள்ள மற்றும் விவசாயப் பதிவேட்டில் சேர்க்கப்பட்டுள்ள விவசாயிகளுக்கு கிசான் சம்மான் நிதி யோஜனாவின் 20-வது தவணைத் தொகை எந்தத் தடையும் இல்லாமல் அடுத்த 5 நாட்களில் கிடைக்கும். மற்ற விவசாயிகள் உடனடியாகத் தங்கள் தகவல்களைப் புதுப்பிக்க வேண்டும், இதனால் இந்த முறை அவர்களின் தவணைத் தொகை தடைபடாமல் இருக்கும். 20-வது தவணைத் தொகையான ரூ.2000 உங்கள் கணக்கிலும் வர வேண்டுமென்றால், தேவையான அனைத்து நடவடிக்கைகளையும் இன்றே மேற்கொள்ளுங்கள்.
20-வது தவணை தொடர்பான புதிய அப்டேட்களை தெரிந்து கொள்ள பி.எம்.கிசான் இணையதளமான pmkisan.gov.in-ஐ தொடர்ந்து கண்காணிக்கவும், எஸ்எம்எஸ் (SMS) அலெர்ட்களையும் அவ்வப்போது சரிபார்க்கவும்
Although the full movie leaked online a few days ago, potentially impacting box office earnings,… Read More
NDTV Through the NDTV result checker, students can quickly access their scores with their roll… Read More
தேசிய கால்நடை வளர்ப்பு இயக்கத்தின் (NLM)கீழ் , இந்திய அரசு தொழில்முனைவோர் மேம்பாட்டுத் திட்டம் (NLM-EDP)மூலம் கழுதை வளர்ப்பை ஊக்குவிக்கிறது . இத்திட்டத்தின்… Read More
டெல்லி: தொகுதி மறுசீரமைப்புக்கு எதிர்க்கட்சிகள், அதிலும் குறிப்பாகத் தென்மாநிலங்கள் கடும் எதிர்ப்பு தெரிவித்து வருகிறது. மத்திய அரசின் இந்த நடவடிக்கை… Read More
நாகர்கோவில்: தொகுதி மறுவரையறை விஷயத்தில் மொத்த எதிர்க்கட்சிகளும், பிரதமர் மோடி மற்றும் மத்திய அரசுக்கு எதிராக திரும்பியிருக்கின்றன. இந்நிலையில் தேர்தல்… Read More
சென்னை: குமரியில் இன்று ரோடு ஷோ சென்ற பிரதமர் மோடிக்கு பொதுமக்கள் மற்றும் தொண்டர்கள் பூக்கள் தூவி உற்சாக வரவேற்பு… Read More