தமிழ் திரையுலகின் முன்னணி கதாநாயகியாக வலம் வருபவர் நயன்தாரா. இவர் ரஜினியுடன் நடித்துள்ள தர்பார் படத்தின் பின்னணி வேலைகள் நடைபெற்று வருகிறது. மேலும் அவள் பட இயக்குனர் மிலிந்த் ராவ் இயக்கும் “நெற்றிக்கண்” படத்தில் நடித்து வருகிறார்.
தற்போது ‘மூக்குத்தி அம்மன்’ திரைப்படத்தில் நயன்தாரா முன்னணி கதாபாத்திரத்தில் நடிக்க உள்ளார். முழுக்க முழுக்க காமெடி படமாக உருவாகும் இந்த படத்திற்கு கதை, திரைகதை, வசனம் எழுதியுள்ள ஆர்.ஜே.பாலாஜி, இயக்குனர் என்.ஜே.சரவணனுடன் இணைந்து இயக்க உள்ளார். வேல்ஸ் பிலிம் இண்டர்நேஷனல் சார்பில் ஐசரி கணேசன் இந்த படத்தை தயாரிக்க உள்ளார்.
இந்த படத்தில் நான்கு இசையமைப்பாளர்கள் பணியாற்ற இருப்பதாக செய்திகள் வெளியாகியுள்ளது. ஒவ்வொரு பாடலையும், ஒவ்வொரு இசையமைப்பாளர் இசையமைக்க இருக்கிறார்களாம். இசையமைப்பாளர்கள் பற்றி விவரங்கள் விரைவில் அதிகாரப்பூர்வமாக அறிவிப்பு வெளியாகும்.
